كشف الناخب الوطني وليد الركراكي، عن تفاصيل إقصاء المنتخب المغربي من دور ثمن نهائي كأس إفريقيا للأمم المقامة مؤخراً بدولة ساحل العاج.
وأكد الركراكي في حوار مع قناة الرياضية: “كنطلب من المغاربة يسمحوا لينا على الإقصاء، درنا جهدنا ولكن مكتابش، درنا أخطاء وأما كنتحمل المسؤولية داكشي لي وقع فكاس إفريقيا، الجمهور من حقو يتقلق حيث كان كيستنا منا بزاف وحتى حنا مقلقين حيث كنا باغيين ناخدوها”.
وتابع قائلا: “مكْناش متوقعين نخسروا ضد جنوب إفريقيا ولكن هاذي هي الكرة والجامعة وفرات لينا كولشي، المباراة الأولى كنا مزيانين ولكن ضد الكونغو الديمقراطية كنا ناقصين وجاونا فرص نقتلوا الماتش فالشوط الأول لكن ضيعناهم”.
وأضاف: “اللقطة ديالي مع قائد الكونغو مبيمبا يمكن كانت سبب من الأسباب لي أثرت على المنتخب ولكن أنا نيتي كانت حسنة”. الكرة هاذي هي فاش كتربح كيكون عندك الصح وخا تكون عيان وفاش كتخسر كيقولو بلي راك غالط واخا تكون مزيان”.
