أعلن الكوميدي المغربي، أسامة رمزي عن ملامح عمل سينمائي من المرتقب أن يجمعه بالممثل، محمد باسو والزبير هلال، تحت إشراف المخرج، ربيع شاجد.
وتقاسم رمزي تدوينة مطولة عبر حسابه الشخصي على موقع التواصل الاجتماعي “إنستغرام”، وجه فيها رسائل عدة لأفراد من طاقم العمل، وجاء فيها: “شكرا زاكورة كتاب أن أول فيلم سينمائي نشارك فيه يكون فهاد المدينة اللي زوينة بزاف وناسها من أطيب خلق الله.. فخور جدا أنني نكون جزء من هاد العمل اللي إن شاء الله غادي يكون مفاجأة زوينة حيت مخدوم ببزاف ديال الحب و الاحترام”.
وأضاف: “بغيت نشكر محمد باسو حيت كان سبب من الأسباب باش نكون جزء من هاد المشروع، وقدر يكتب فيلم واعر ديال بصح، وبفضل الطيبوبة ديالو ربي يسر ليه فمدينتو اللي كلها وقفات معاه وففريق كيبغيه، وبغيت نوجه تحية لسي الزوبير هلال اللي دوزت معاه مدة طويلة وعرفت المعدن اللي زوين فيه بزاف وغادي تشوفو ممثل ديال بصح حيت إمكانيات هاد الشاب غير لطيف واعرة”.
واسترسل المتحدث ذاته كلامه قائلا: ” بغيت نشكر بزاف المخرج ربيع شاجد هاد السيد لقيت معاه راحتي بواحد الطريقة ماشي طبيعية وعندو قدرة أنه يخرج منك بزاف ديال الحوايج ويرجع المشهد كيضحك أكثر زيادة على التعامل ديالو الجو اللي كيخلق..”.
واختتم رسالته قائلا: “كنشكر الإنتاج في شخص فضيلة طه، هاد السيدة أنا بالنسبة ليا من أفضل الناس اللي ممكن تلاقى فحياتك وكتوفر ليك ظروف أكثر من مثالية باش كلشي يكون مضبوط وقدرات تجمع فريق عمل صعيب يتجمع ليك . كاين بزاف ما يتقال وبزاف ديال الناس حصل ليا الشرف أنني نكون معهم ولكن كلشي غادي يجي بوقتو وتيقو بيا غادي نعجبوكم وأخيرا كنبغي نشكرني حيت شكرا كلشي بقيت غا أنا”.
